ســــلام يـاربـعــي ســــلام الـمـحـبـيـن
حب الوفاء مـن فضـل ربـي وجـوده

تـحـيــةً تـحــمــل عـبــيــر الـريـاحـيــن
وتـعـطــر الـطـائــف وتـنــشــر وروده

حشمـة بنـي عمـي حمـاة المخلـيـن
الخـامـس الـلـي جـدنـا مــن جـــدوده

من كل خامس جـا يحييكـم الثنيـن
يــرودنـــا الـطــيــب وحـــنـــا نــــــروده

الــجـــد واحـــــد والـقـبـيـلـة كـثـيــريــن
بإنحاء الوطـن واللـي تعـدوا حـدوده

الجـد ثابـت مــن قـبـل بــدر وحنـيـن
وماضاع مـن تاريـخ الأمـه شهـوده

ولـيـا بحثـنـا عــن سـعـد بـالـدواويـن
مـافـيـه مـــن يـنـكــر وفــــاه وجــــوده

حــــراً تـعـلــى الـنـايـفـات بـجـنـاحـيـن
بــرقـــا وروق الـخـالـديــن بــخــلــوده

واليومـه اعتيبـه عـلـى الـعـز باقـيـن
قـبـيـلــةً بــيـــن الـجـمـيــع امـــعـــدوده

واسلومهم بين العرب تعجب العين
عـــز وفـــا طـيــب وكــرامــه وجــــوده

وإن قـالـوا آل حـمـيـد ولا الربـاعـيـن
قلـنـا هــل الـبـيـرق ورفـعــة عـمــوده

وأنتم يالاد أدهيس عشتوا عزيزيـن
مــنــا وفـيــنــا والـســلــوم امـحــمــوده

وإليا سكنتـوا نجـد مـا انتـم بعيديـن
والـــكـــل مـــنــــا مـاتــغــيــر وعـــــــوده

فــي ديــرة العـتـبـان مـنـتـم غريـبـيـن
قـبـيـلـةً مــاهــي عـلــيــه امـحــســوده

وحنـا لـيـا جـانـا الطـلـب مستعـديـن
نـوقـف ســوى ونـحـل كــل امـعـقـوده

حـنـا الـذويـبـات ولقـبـنـا الدهـاسـيـن
من روس الاد اثبيت واشهر بـدوده

والمشيخـة فينـا علمهـا بـن ادخيـن
ابــــو عـتـيـبــه والـقـبـيـلـة عــضـــوده

مأمونـنـا المشـهـور بـيـن الموامـيـن
ومافـيـه مــن ينـكـر وفـــاه وجـهــوده

وليا نطـق بالحـق بيـن الخصيميـن
كـــلاً قـنــع وأطـفــى لـهـايــب زنــــوده

مـرجــع عتـيـبـه بالـنـظـم والـقـوانـيـن
عـــداً صـــدوده تـلـتـقـي مــــع وروده

ياهل الشهامة مال أحد عندنا دين
والــلـــي نـحــبــه مـانـبـيــح ســــــدوده

مـن حبنـا نعطيـه زيننـاً عـلـى زيــن
ومــن صــد عـنــا مـاذكـرنـا صـــدوده

وحـنـا بـظــل آل الـسـعـود امتهـنـيـن
ظــــلاً نـشـيـنـا فـــــي ذراه وســعـــوده

في ظـل ابـو متعـب كريـم الذراعيـن
قــايــد وطــنــا عــــز شـعــبــاً يــقـــوده

وولي عهد المجد طلـق الحجاجيـن
صـور العريـن اللـي تنـاحـم اســوده

والنـائـب الثـانـي سلـيـل الشجيعـيـن
درع الوطـن نـايـف وحـامـي حــدوده

عاش الملك عاشـت بـلاد الحرميـن
مـأمـون بـيــت الله وحـامــي وفـــوده

وقبـل النهايـة جملتـاً بـيـن قوسـيـن
شـكـر وثـنــا يـمـطـر وتـــرزم رعـــوده

شكر وثناء يشمل عموم الدهاسين
رمـز الكـرم مـن فضـل ربـي وجــوده

اربعـمـائـة وألـــف واثـنـيـن وثـلاثـيـن
لـقـى الـولــد بـالـجـد وانـتــم شـهــوده