ســــلام الله علاكم ياعتيبه واطرف الموجود=يكفي عن عتيبه كان من برقا ومن روقه
وحبل الطيب من بين القبايل والحضر ممدود=ولابه مشكله لن جات منهوبه ومسروقه

هلا يامرحبا ترحيب جود ومن مقر الجود=تراحيبن على وضح النقا ماهي بمسبوقه
عسى ربي يديم الامن والله ينصر ابن سعود=ولابه مشكله لاصارت السلمان اهل بوقه

يدوم الك البقى يالي ترحب والبـــــــرا مردود=تبين السالفه وانـــميز العاقل ومنطوقه
على الله يالعصيمي لاتجيب العير وسط الذود=ترى مالي ومال الي يبين علم طاروقه

ليا رد البرا ماعندنا غير اشهب البارود=ومنهو حط كبره لايقول انه على سوقه
على الله يالجبرتي والخبر بين العرب محدود=وانا مانيب جاهل لا ولا من قوم مطفوقه