غلطة الشاطر بعشره يا صحيب=والغبي خطاه ما يحسب خطاء
لن غلطاته كثيرة يا لبيب=مير هاك ارسالتي عقب البطا
صحبتك من فوقها بضرب صليب=وقدرك اللي كان طار امع القطا
ماهقيت الظنّ في مثلك يخيب=لين..رمح الغدر من كفك سطا
ماسمعت اللي بـ هرجه بك يعيب=بان كل اللي مغطيه ابغطا
عقب جريت (الضعافه) بالسبيب=رح..ولا ابغا منك لأخذ ولا عطا
فعلتك لو جرحها يلقى طبيب=جبت عذرك من سماء والا وطا
مير جرح(ن) مستحيل انه يطيب=قاله اللي من على الجمره وطا
مايخل الرجل تفكيره يشيب=غير لاقيل الخطاء ماهو خطاء

المشاركة الأصلية كتبت بواسطة محمد الذيابي (المشاركة 1175671) صح لسانك ياعناد لاهنت يالغالي

مايخل الرجـل تفكيـره يشيـب=غير لاقيل الخطاء ماهو خطـاء

الله الله


صح لسانك مدد بلا عدد

المشاركة الأصلية كتبت بواسطة مرزوق حمدان العتيبي (المشاركة 1175678) .. . صح الله لسانكــ ياعناد ..

المشاركة الأصلية كتبت بواسطة ابو فايح (المشاركة 1175882) مايخل الرجـل تفكيـره يشيـب=غير لاقيل الخطاء ماهو خطـاء الله الله صح لسانك مدد بلا عدد