سلام بسم الاد عاصم في مواقيف الرجال=العزوه اللي من طناختها الحميا دمها
اشوف شعارن على البيداء وتسبح فالخيال=لكن لامني حضرت لها تراني عمها

يامرحبا ترحيب وافي ياكريمين السبال=والنعم في لابتك لو همك ماهوب يهمها
أركد يابن عاصم ولاتفتح على نفسك مجال=ترا الرجال جبال والدعوى تجي من يمها

دام البقا مارسمعوله ياجماعه ويش قال =اثر العرب قام يتزايد همها مع غمها
حنا لها ون كبرت الدعوى وجت روح وتعال=ياللي تغنيها حذاري لا تجي في فمها

ياصاحبي حنا نصوم ونفطر بشوف الهلال=واللي على بالك بدربك ياعميلي سمها
دعواك ياعباد وردها على العد الزلال=والبير غزره مير حذرا لاتطيح بجمها

حنا نسريها على درب السنع يابن الحلال=وصحابنا مره تعداها ومر تخمها
يستر عليك الله يانواف في تال الليال=تبرالها لكن ماتعرف وشنهو وسمها

البرق يبرق في الجنوب وماطره حول شمال=والنار لاكذبت شوفتها تبا تشتمها
أصحابنا من طيبها تاقف على الجرف الهيال=وتعلم العراف يالعراف ياويل أمها