مرحبا بالشيخ هندي مرحبا هلا هلابه =مرحبا بضيوفنا الي شرفونا من بعيدي
مرحبا ترحيبتاً وعداد ما هلت سحابه =وعد ما هلت مزون من سماها فوق بيدي
يا تبوك الورد فوحي جاك واحد من عتابه =أفرحي بقدوم شيخاً ولا تحسبي لرصيدي
الوفا من يمكم يا أهل الوفا ما هو غرابه =والله أنك من رجالاً عزمها يفل الحديدي
من شيوخاً كلبوهم فالوغا أسد وذيابه =ما يهابون المنايا وعزمهم عزماً شديدي
لابة يا سعدهم من حطهم فالوقت لابه =فاول الهجره وتاليها عقيداً من عقيدي
وتركي ابن حميد منهم كل رجالاً درابه =فارسَ يا كم جندل فالمعارك من عنيدي
ما يهاب الموت في وقته وهو راعي مهابه =في طلال وفالعويند فارساً ماله ضديدي
يا عسى قبره رياض يا عسى تعطر ترابه =ويا عساه في جنة الفردوس مثواه وشهيدي