ياللي تهوزون الجبل والجبل صلب=ثابت وفي وجه العواصيف راسي
يا قالبين الطيب عن صورته قلب=ذوقوا طعمها يا طوال الحساسي
حش القفا للهيس والنجس والكلب=تكرم مسامع كل قرمٍ حماسي
حيلات مجلوبة على سوقكم جلب=وتشرونها بارخص ثمن من مداسي
وش عاد لو انتم من الساس والصلب=ما سندوكم متعبين المراسي
من يم هاك الجد ما يثلبه ثلب=فيكم من (الجدّة )عروقٍ خساسي
كلٍ يسل السيف ويوجه الخلب=سلاح مفلس في عراقيب قاسي
لو يلتفت للخلف صابه وجع قلب=شوفه يزمه للطوال الرواسي
حلبت بقعا يوم خاويتها حلب=وفصلت من حكمة زماني لباسي
الوقت ذوقني من المر والغلب=حتى على العشرين قد شاب راسي

المشاركة الأصلية كتبت بواسطة ^روقي عفيف^ (المشاركة 1174207) صح لسانك مشكووووووووووووووووووووووووووور

المشاركة الأصلية كتبت بواسطة صارم عتيبه (المشاركة 1174585) صح لسانك ولا هنت نتطلع لجديدك ودي آآحتــــــــرامي