الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   حبيب العازمي وعلي العضياني والمعنى (مسابقة شاعر الملك ) (http://www.otaibah.net/m/showthread.php?t=124763)

ابو فايح 13-Apr-2011 04:41 PM
حبيب العازمي وعلي العضياني والمعنى (مسابقة شاعر الملك )
 
لقاء غير في معناه ومبناه وشعرائه وصفوفه


لقاء جمع حبيب العازمي بـ علي العضياني


لقاء غير عن كل طواريق الملعبه التي جمعت بالإضافة لهم ملفي المورقي وصقر سليم


لقاء كان معنى مسابقة شاعر الملك هو الجديد والذي يستحق النقاش وكان دخول علي العضياني مدخل جميل جدا


علي العضياني يطلب من حبيب العازمي أن تكون الجائزه لقبيلة عتيبه وألا تلحق جائزة مسابقة الأمير سلطان وحبيب العازمي يفند الشروط .


أترككم مع الطاروق





علي العضياني



الناس يالعازمي يمك تلد العيون = لكن يالعازمي لد النظر يمها
الجادل العيطموس اللي تكد القرون = فالعرف لازم تزوجها ولد عمها




حبيب العازمي


حنا لنا كم سنه نبغى الطراقي يجون = مار الطراقي خطفها السيل وإزتمها
اللي يجيب المهر يمكن عليها يمون = واللي يباها كذا لو مات ما همها



علي العضياني



أنتم لكم كم سنه فالملعبه تلعبون = من زود نعمه عسى الله فوقك يتمها
على مهرها رياجيل الوفاء يقدرون = سم المطاليب في يوم الوعد سمها




حبيب العازمي


عودت راسي على الصكات دون المتون = يوم إن بعض العرب دوب إحترك دمها
إن جبت مشط الشعر لازم تجيب الدهون = حنا ترى مانباها ضمها ضمها




علي العضياني



أولى بمعروفنا يا حبيب الأقربون = ياللي تجمع شتات الناس وتلمها
الطيب من العلوم الماضيات مغبون = كم واحد (ن) يخطي الأسناع ويخمها




حبيب العازمي




السوق بابه فتح لكن وين الزبون = والبير جمه وأنا رويان من جمها
اللي يجمل ليا منه وقف ما يهون = يقرأ على الحيه اللي حايرن سمها




علي العضياني



اللي ينادي لقى له ناس ما يسمعون = والناس مدري وش الحيلات في صمها
اللي يجمل على الميقاف مهما يكون = يكسب مديح الرجال ولا كسب ذمها




حبيب العازمي




إن كان ما ينسمع يصيح فالمكرفون = ويقرب النار للعميان وتشمها
يا علي لا تأخذ الدعوى بكبر الظنون = وأم الكبارير تشيل السحر في كمها




علي العضياني



وش رايك أكلمه بعدين بالتيلفون = خصيت لي ناس بين الناس ما عمها
السالفه واضحه والناس ما يجهلون = على ما قالوا بني قحطان ويل أمها

عبد الكريم العازمي 13-Apr-2011 05:02 PM
طاروق رائع جدا


ً حبيب مبدع ولا هي غريبه عليه


وعلي مبدع ما شاء الله عليه


ولا هنت يا أبو فايح

فهد علي العازمي 13-Apr-2011 07:48 PM
الطيب من العلوم الماضيات مغبـون***كم واحد (ن) يخطي الأسناع ويخمها

أنا أشهد إني مغبون مير مال حبيب دخل

صحت السنتهم شعااااار كباااار

ولاهنت يا ابو فايح

نواف الشيباني 13-Apr-2011 08:58 PM
طاروووق رائع صحة اللسنت الشعار

محمدالنفيلي الحربي 13-Apr-2011 11:34 PM
هذا كلام علي العضياني وعلي العضياني في شاعر المعنى صوتوله ناس من خارج قبيلة عتيبه والان يبي يخصص المسابقه لعتيبه فقط على كذا ياعلي ماتصير مسابقه
على العموم مثل ماقيل حبيب وبس

الجوراسي 14-Apr-2011 02:26 AM
صح السنتهم مبدعين

وياعلي استمر وحنا معك مادمت مبدع

وشكري للمبدع ابو فايح

ماجد العصيمي 14-Apr-2011 04:02 AM
والله يابو فايح من وجهة نظري ان القاف عادي صح فيه معنى بس مايشدك في قرائته



بالتوفيق لعلي في المعنى وبالتوفيق للكنق في شاعر الملك

صميدع. 14-Apr-2011 07:32 AM
..

صحت السنتهم


والعضياني شاعر سيضع له بصمه بين عمالقة المحاوره..



شكرا يا ابو فايح

مشاري 14-Apr-2011 03:35 PM
محاورة عمالقه..


الله يعطيك العافيه يابو فااااايح وفال ابو فلاح السيف :)


...

عبدالله بن هملان الغامدي 15-Apr-2011 11:52 PM

تسلم يابو فايح على النقل الرائع


الساعة الآن »05:04 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd