اما تجيني ناوية ( حب واعناق)=والا اتركيني ما عشقت المزوحي
طفشت انا مليت يا طاق طرباق=ابديت لك كل المشاعر وبوحي
ما اخبرك جيتي والسواليف تنطاق=لابد من كلمة تزيد الجروحي
ترى المحبة ذوق .. واسلوب .. واخلاق=ماهي برفع الضغط ياللي تنوحي
وشلون بنتٍ ما تعَرفين الاذواق=الصدر ضاق وصار قدرٍ يفوحي
ياما قسى قلبك ويبسن الارياق=وياما طلبنا القرب يا قوم نُوحي
وإليا لمحت العلم وصّل للآفاق=والنية القشراء على إزهاق روحي
ما عاد أبا حبك ولا منك العناق=واقضي بقايا العمر ( كذب ومزوحي )