ياسلام الله على منهج بيوت القصيد = تخرج اللي في قليب المعنى حامله
يالثبيتي راحت المعرفه وين الرصيد = السوالف اصبحت في زمنا هامله

مرحبا ترحيبة ٍ كنها الثوب الجديد=شامله للطيب والعرف كله شامله
لو تغيب الشمس بكره يجي لك يوم عيد=لاتغارب كان بكره تقوم الخامله

البقا ياصاحبي والصحيح اللي يفيد = لا متى والناس مع بعضها متحامله
ويش تبغى يالهوى كان ميلت الجريد = الجريد مع الهوى من خلق ما قام له

العباد بخير والله يدبر مايريد=الدهر والدين بين العباد معامله
الحظيظ اللي مع الناس قلبه من حديد=صامل الوقفات لاشاف ربعه صامله

مالقينا بعد هذا مع العالم جديد = غير نبذ الطيبه لابدت له كامله
الجبل لا صار راسه مغطى بالجليد = مايبن الا ليا ذاب ثلجٍ حامله