الفقر والجوع والعازات والحاجه=تهزم عزوم الرجال اللي تمربها
والفقر يهدم بيوت العز بأمواجه=و يعيّف الناس حتى في قرايبها
كم أسرة(ن) في هذاه الوقت محتاجه=وكم أسرة(ن) ياخذ الديان راتبها
وكم من فقير(ن) وقف في غاية أحراجه=مامد يمناه لأهل المال يطلبها
يخاف من كلمة(ن) هزله و منعاجه=والآ عطيةّ ولد لاشٍ يمنبها
ولآ يجي واحد(ن)ويعقّد احجاجه=وقدام يبديله الكلمه يغصّبها
والناس كل(ن) على طبعه ومنهاجه=ولا يعرف القضيه غير صاحبها
وبعض الرياجيل لو انه على الصاجه=حقوق الاجواد والله مايجنبها
وبعض الرياجيل لو جوله ولو واجه=لا معطن احقوق ناس ولا موجبها
ويا مسلم ان ضاق دربك خالقك ناجه=دعواك عن وجه ربك لا تشحبها
ألّح فدعاك والله عنده أفراجه=ردد أدعاتك على ربك ولحّ ابها
الفقر ملعون بس الحاجه الحاجه=اتبكي الرجل وأنا اللي مجربها
ويامالحقني من اهل الهرج هراجه=وياما تحدتني أيامي وعشتبها