في موقف الشدات بانت حقيقـه =ان اكثر الاصحاب زايـد نفاقـه
يقول منهو شاف مـالا يطيقـه = وماعاد له فالصبر ياناس طاقـه
من لا وثق فيني باجنب طريقه = اخير من وصله وربـي فراقـه
ومن لا يقدرني عسى في حريقه = ومن كرر الزلات تبعـه حماقـه
اليوم كلن صار جيبه صديقـه = هو الرفيق اللي يصون الصداقـه
ماعاد لي غير القطاعه طريقـه = يعني بمعنى اصح قطع العلاقـه
من لا نفع من جاه وقته بضيقه= ودك تحكم حرمته فـي طلاقه