أبدا بذكر الله على كل ماكان‏=الواحد المعبود رب البريه‏‏
ثم بعد ذكر الله ببدا بقيفان‏=ابيوت شعرن بالمعاني قويه‏‏
في مدح منهو بالوفاء صار عنوان‏=راع الكرم والطيب راع الحميه
مقدم هل الطاله من شيوخ شيبان‏=نقاض فتالن يحل القضيه ‏‏
فعايله تعرف ولافيه نقصان‏=الطيب وافي به ولافيه زيه
وان قيل منهو قلت طلال فيحان‏=اللي علومه كلبوها وفيه ‏‏
شيخن ولد شيخن ومن روس شيخان‏=جدانه اللي يكسرون السريه ‏‏
عاداتهم كسب المراجل بالايمان‏=‏ لامن كلن ركب فوق العبيه ‏‏
شجعان في كل المواقيف شجعان‏=‏ اهل وفاء واهل عزومن قويه‏‏
افعالهم تبقاء على مر الأزمان= امثبته بالطيب والنار حيه ‏‏
وطلال شيخن كنه الذيب سرحان= بفعوله اللي كلها عالميه ‏‏‏‏
للضيف يذبح حشون وحيلن سمان‏=وراس الخصم يكويه عشرين كيه‏‏
ياقف بميقافه ولاهوب ينهان‏=راعي حميا يحتمي كل هيه‏‏
عزالله انه يشبه سهيل لابان‏=منزل بين مانزل فالغبيه‏‏
اسمه تفاخر به من الناس عتبان‏=اسم الوفي راع العلوم الطريه
والمدح لطيب معزه ورفعان‏=من يمدح الطيب كفي كل سيه‏‏
من يمد الشجعان ماهوب غلطان‏=عزالله انه صادق بكل نيه‏‏
وختام قولي فيه مسكن وريحان‏=ينساق لطيب كما الشاذليه ‏‏
صلوا عدد ماهلته دهم الأمزان‏=صلوا على المختار خير البريه

المشاركة الأصلية كتبت بواسطة مرزوق حمدان العتيبي (المشاركة 1170785) .. . يستاهل ابو فيحان وصح لسانكــ يانواف .. ...

المشاركة الأصلية كتبت بواسطة محمد الوافــي (المشاركة 1170799) ابن فهيد يستاهل وانت مشكور

المشاركة الأصلية كتبت بواسطة سهيل مقحم العتيبي (المشاركة 1170893) يستاهل المدح وانت صح للسانك والله لايضرك ولله دررررررك ننتظر جديدك يالقرم تقبل تحيتي