أزكا تحايا الطيب مع كل توقير=للي صعد قمة طويق وعمرها
بإخلاص وأبداعات مع حسن تدبير=مواقفه بالطيب كلً شكرها
وقفات خالد بالوفاء شكلها غير=أجزل من الجزلات وأعز وأرها
واليوم ياخالد بعد دقَر السير=لاجوَها لابرَها لابحرها
جيناك يانسل الشيوخ المشاهير=ياريف ياعز الرجال وفخرها
لنا على شرواك شرهه وتقدير=حيث أنت من قوم طويله شبرها
تواجره ترسي كما طويق والنير=تذري محاجيها ويتعب وعرها
والوضع ياخالد على مثلك صغير= شرواك لارام المراجل قدرها
قدامك النائب كفخ كفخة الطير=حرَاً شهر يم النجوم وقمرها
سطَر له التاريخ بالمجد تسطير=النفس في خدمة بلاده نذرها
دون الجزاله مايعرف المعاذير=عينه على العليا بعيدً نظرها
من هيبته خلاَ الردي يفعل الخير=ناسً على فعل المكارم جبرها
أنا اشهد أنه نوَر الدرب تنوير=روح العداله في الأوادم بذرها
يجزاه عنا خير رب المقادير=عساه فالفردوس يقطف ثمرها

المشاركة الأصلية كتبت بواسطة مرزوق حمدان العتيبي (المشاركة 1170788) .. . صح لسانكــ يابو مزيد قلت فابدعت .. ...

المشاركة الأصلية كتبت بواسطة عبدالرحمن الـعتيبي (المشاركة 1170789) مشالله تبارك الله روعه أخي الى الامام لكن أخي كيف تحط مسافة بين الشطر الاول والثاني لاني اذا حطيت وسويت معاينة أشوف وراجع يطلع مشبوكة مع بعضها بالتوفيق

المشاركة الأصلية كتبت بواسطة محمد الوافــي (المشاركة 1170840) صح لساااانك

المشاركة الأصلية كتبت بواسطة سهيل مقحم العتيبي (المشاركة 1170901) صح للسانك ولاهنت جزله من راس ًجزل تقبل تحيتي واحترامي للشخصـك