كنه يقول بنظرته كيف الأوضاع ،،،،
 

أعضاء منتديات الهيلا الاعزاء أقدم لكم هذه القصيده كمصافحه أولى وأرجو أن تنال على إعجابكم وأستحسانكم ،،، وهي عباره عن قصيده تتكلم عن نفسها ،،


البارحه يوم المخلايق هجاع
.................‎حضر هجوسي بالرسن والعناني
وسبحت ابه بحر الجزاله والإبداع
................‎اجمع وارتب مبهمات ا لمعاني
أكن غيضا" حابسه بين الأضلاع
...............‎مستوطنن بين الضلوع المحاني
زود عليه مع قسى الوقت الاوجاع
..............‎واصبحت افكر في عجايب زماني
كله سبايب نادر وصوف وأطباع
..............‎غروا‏(ن‏)رماني في هواه وسباني
لمحتها فالطائره وقت الأقلاع
............‎ذكرتها من عقب بعد‏(ن‏)‏ طواني
كنه يقول بنظرته كيف الاوضاع
............‎وأنا احسب انه عقب بعده نساني
اثر المحبه تجزي الصاع بالصاع
..........‎..واثر الجفا من صاحبي شي ثاني
يقسى علي واقول طايع وسماع
............‎.لو ان ‏ وقتي للمفارق حداني
اذوق منه المر باشكال وانواع
...........‎واصبحت فالدنيا حزين‏(ن‏)وأعاني
ياابو عيونن فاتنه دعج ووساع
...........‎وراك غضيت البصر في ثواني
والا عشان الطائره خلت القاع
..........واصبحت عال الجو منته بعاني
يا صاحبي والله ما ضاع ماضاع
..........‎حبن بنالك وسط قلبي مباني
مدري صفعني من قسى الوقت صفاع
‎‏.........مدري غزيت الهم والا غزاني
مير الوكاد اني من البعد ملتاع
‎..........مجني علي وانته بغيبتك جاني
بالمختصر يا صاحبي قدر وراع
.........راع الوفاء والحب وأغلى الأماني

الشاعر : علي أبوثنتين العطاوي ،،،،

أشكرك أخويه الله يعطيك العافيه

صح لساااااااااااااااااانه

صح لسانك ياعلي وبيض الله وجهك على هالغزليه الرائعه