لولا الثلاث اللي من الرب وهبة = دين وأمانة والعلاقة مع الناس
تميزه مــــــــا بين بعده وقربـــــه = لو كثروا العربان من كل الأجناس
محبوب في فعله وكل(ن) يحبه = قدوة بدرب الخير نور(ن) ونبراس
أن زان شيء رحب ولن شان كبه = كم زلة تمره تعدى ولآباس
يسعى للم الشمل ما ضاع دربه = و للطيب فالأجيال بالفعل غراس
أن غاب يفقد وأن حضر بان طبه = ما ينسى يذكر ليا هب نسناس
ما يهتني فالوقت زاده وشربه = يشيل هم الناس والقلب حساس
ما يلحق الصاحب ملامة وجنبه = رجل(ن) مواقيفه بناها على ساس
سبح بـــحور الشعر غــبة وغبـــة = وكتب معانيها بلوح(ن) وكراس
كم ما قف(ن) طيب ذكر وانكتب به = وأخذ مع أهل العرف طالة ونوماس