الله ياوقت تساوو به الناس = صار الردي يشبه طويل الذراعي
صارالردي من ضمن لباست الطاس = ويقول انا الصعصوع لو كان راعي
لوكان ماله مع هل العرف مجلاس = عزه زمان المصلحه والخداعي
لاكن لايفرح ليا صار لولاس = تبا تعشاه السباع الجياعي
الطيب مايشرى بغالية الالماس = ولاهوب سلعه فالمتاجر يباعي
الطيب مثل السيل يحتاج عساس = تدوج رجله فالفجوج الوساعي
يمشي قدم رجله للاخطار دواس = يدوس رمضاها وسود الافاعي
ماهوب رخوً كل ماهب نسناس = يوميبه اوماي الهوا للشراعي
وياللي تحسب ماور راسك الراس = وتقول ماغيري فطين وشجاعي
هون على عمرك ترا العرق دساس = اهلك من علم الشكاله جياعي
وجهك عليه الحاف ياراع الادناس = لو ترفع الغدفه عن الوجه ماعي
ماعاد لك بين المناعير مجلاس = وسط النشاما مالك اليوم داعي
لو الهجوس اتجيك باخماس واسداس = ضاعت اعلومك ياخبيث المساعي
وترا الردي لو زان يرجع على الساس = يبين فيه مع الليال انهزاعي