يامحمد كان جيـت سعـود قلـه=علمه تـراه تفخـر بـه عتابـه
راعي الفزعات حـلال العضلـه=عـز والله يامحمـد مـن لجابـه
الشجاعه طبـع ابـوه ووارثلـه=ماخذاها كسـب والاجـت نهابـه
الله اللـي حطهـا فيهـم جبلـه=حتى في ضحك الحجاج وفالرحابه
فعلهم جرد الصحاري يشهد لـه=لابـةٍ ماهيـب حيـا الله لابــه
الفخر والطيب والنامـوس كلـه=والمراجل عند أهلهـا لا غرابـه
ماتردد يوم موضوعـي وصلـه=قال ابن عمـي وتربطنـا قرابـه
شال همي جعـل بقعـاء ماتشلـه=يوم جاء فالوضع قدامـي تشابـه
يوم كل(ن) جابلـه سيفـن يسلـه=اعترض دونه سعود وصك بابـه
ياسعود الذيب كلـن قاعـدن لـه=مير من هيبتـك رمايـه يهابـه
جعل شـرواك الليالـي يمـهلله=اشهدن لك ماقفن يحسب حسابـه
يارياجيـل الحقايـق والأدلــه=مايثبتـهـا قـلـم ولا كتـابـه
لويـروح بعيـد راعيهـا تدلـه=ماتنومس غيرمع حضرت جنابـه
الوفا مـن طبعكـم وانتـم هلله=عزوتن حوض المنايـا ماتهابـه
واسمحولي كان فالأبيـات زلـه=بيت شعرن قاله الشاعر وجابـه
عمميـهـا ياقـنـاه ويامجـلـه=ليـن تقراهـا صواريـم الذيابـه
يامصخرت الشعر تو حان حلـه=كان ماقلته أب وقته ويش ابابـه
من يجاريه الطواريـق أستولـه=نايـد الشعـار وإلا مـن شبابـه
وكان مابيت القصيده فـي محلـه=حملو ا مثلـي مشاريـه وعتابـه
والتحيـه والسـلام وعـوذ بالله=اتعوذ من ابليـس ومـن بدابـه