تعداني على مهلك وتبدي نظرة استشعار=وفجأة واجهة عينك عيون كنت ترقبها
ترى مافيه داعي للتلفت واكمل المشوار=ونظراتي بدون تللد باحساسك تحسبها
عطاك الله جمال وفيك رزة تلفت الانظار=ولا الوم القلوب اللي برمشة عين تسلبه
سواد اللي فعيونك قصيدة تعجز الشعار=ويعجز صادق الاحساس بالاقلام يكتبها
وليل مكتسي ردفك يطفي واهج الانوار=تحدر به خيوطه فوق شمسك لين تحجبها
ونطق الحرف بشفاهك يداعب مرهف الاوتار=ولو ان القلوب حجار بالحانك تذوبها
ثمار ترويها عروق بأعذب الانهار=وفصل النضج يدفعها وغصن الخوخ يجذبها
وخصر يحتويه الطفل ويدين الرضيع قصار=كما تحوي يدينه لعبته لا قام يلعبها
يضيع الوصف في وصف الجمال وتتعب الافكار=بيوت الشعر ماتوصف جمالك لو نرتبها
طعنت القلب من نظرة وخليت الجرووح احرار=تبا تنزف جروحه لين في لحظة يموت ابها