يامرحبا في منتدى الهيلا مطوعت الحريب=ترحيبةٍ من طيبها تشف الصدور الضايقه
من بعدها يالعازمي ورّد نياقك للقليب=بأخذ معك مرواس مادام الخواطر رايقه

في ملتقىٍ حاز الأ وايل يبن مشيب فوق طيب=إلك البقى يا عناد في حلة عتيبه سايقه
ميرادنا لأمن وردنا عسر والخالق رقيب= يا الصاحب اللي ما عرفنا غيبته؟ وش عايقه؟!

هاك الدعاوي جاهزه يوم انت الصاحب لبيب=اشوف حاصل..دربكه على الحرار الوايقه!!
وانا الظروف اللي حدتني جعل حظك مايخيب=غبت ولقيتك بالعمامه والعمامه لايقه

دنياً تخلي عارض الرجال بالغصبى يشيب=وكأس المراره يا بن مشيب كل واحد ذايقه
حنا لبسنى ما لبستو ما حصل شيٍ غريب=تاجٍ لبسته ماسرقته لا ولا ولاني بايقه