طاروق من الوزن الثقيل جمع سوار الذهب ومستور العصيمي
 

سوار الذهب



سلام تسليمةٍ فيها سلام وعتاب



يقولها عند شمر واحدٍ عبدلي



ياليت مستور لو ساعه يعود شباب



والله لحدك على ماقاله الحنبلي




مستورالعصيمي



يامرحبا ياهلا بك عن عزيز الجناب



العام وش قلت لك واليوم وش قلتلي



ان كان مانته بحاسب لليالي حساب



أقول ما ينربط بالحبل غير الطلي




سوار الذهب



أنا أدري إنك توردها الخطر ماتهاب



لكن مثر عليك البرطم الاسفلي



ماكل دعوه لمنهو قالها تستجاب



لكن حي العليا غير حي السلي




مستورالعصيمي



أنا أشهد إنك وردت العد صاف الشراب



يمديك تقطع ظماك بعدًه الممتلي



ياصاحبي ياولد ميزان هرجك صواب



ترى شفاعة محمد غير قوة علي




سوار الذهب



لا تحسبنك ملك عندك حساب وعذاب



أنت لياليك بعض أوقات ماتنجلي



أنا ليا صدت لي حوته يطير العقاب



وألي على حظ غيري لاتقولون لي




مستور العصيمي



إبتل دام الاشده في ظهور الركاب



وأنا ترى محمل السلطان مع محملي



تعبت لمصافق الشعار والراس شاب



ياذيب مثلك ترى حاربت كل هذلي




سوار الذهب



أنا قتيل الهوى ماني قتيل السراب



وأنا تراني على شأنك نحرت جملي



ياطالب الخير باب الله على كل باب



وشبك تود الجحادل يم ديرة بلي




مستور العصيمي



الحمد لله طاب البال والحظ طاب



جد العرب في العرب جد البقر في حلي



وراك حطيتها مابين ضرسٍ وناب



خلك مع الناس باقي لا تلقى الخلي

سوار الذهب شاعر من طراز نادر الوجود هذي زبدة العلم

طيب علمونا وش الييوت اللي اعجبتكم في الميزاني وقلتوا انه من الطراز الاول

نبغى تحليل البيوت قدام الجميع

مانغى احد يرد ويقول على الخاص

السلام عليكم ورحمة الله وبركاته
لاهنت اخوي على الموضوع المميز والطاروق بين شعراء عمالقه مستور وعبدالله
وانا ابي تحليل للابيات التي جرت بينهما .

عبدالله الميزاني

أنا أدري إنك توردها الخطر ماتهاب



لكن مثر عليك البرطم الاسفلي



ماكل دعوه لمنهو قالها تستجاب



لكن حي العليا غير حي السلي


مستور العصيمي
أنا أشهد إنك وردت العد صاف الشراب



يمديك تقطع ظماك بعدًه الممتلي



ياصاحبي ياولد ميزان هرجك صواب



ترى شفاعة محمد غير قوة علي