هـذي بلدنـا يابعيديـن الانظـار=بالروح قبـل المـال نفـدا ثراهـا
ماهمنـا بالحكـي خايـن وثرثـار=يمناه من حـوض الخيانـه ملاهـا
واللي يحاول يعتنق بعض الافكـار=نفسـه لغبـات المهالـك رمـاهـا
من الحسد قلبـه تولـع بـه النـار=واعداء الشريعه يدرق فـي ذراهـا
ياهل السعوديه هل الطيب والكـار=ترا الوطن محـداً يعـادل غلاهـا
مايتبـع الغـدار ياكـود غــدار=وبلادنا رمز الامـن فـي هواهـا
مهبط وحي مامثلها بيـن الاقطـار=حكـم الشريعـه رافعـاً مستواهـا
في حكم اخو نوره الى صار ماصار=روس الطغاه بسبت رجله وطاهـا
يحكم بشـرع الله ولايقبـل العـار=وداره تموت من الغبايـن اعداهـا
وحنا معه لو غاص غبات الابحـار=والا وطـا نـاراً تلضـى سناهـا
بارقابنا البيعه ونرخص بالاعمـار=ولخـادم البيتيـن نعلـن ولاهــا