يامدعي حبي وش أسباب التغلي والغياب=وانت تعرف عيني معنيها الترقب والسهر
يوم السهر نادى لطرفي وأقنعه ثم أستجاب=بانت نتايجها على حالي وحالي في خطر
أموت وأعرف ياحبيبي ليش زعلك العتاب=واللي هرج من بيننا كذاب في نقل الخبر
رقيت روس النايفات الشامخات من الهضاب=وقمت أبدع القيفان في طاريك وانحت من صخر
والله لو أني باسمع العذال لاقفل كل باب=اللي يودي لك ويمديني نسيتك من شهر
لكن أنا شاعر وعاشق مير قلبي فيك ذاب=أتبعك لو طال الزمن دام الفرج بعد الصبر
مادمت أحبك ماعلي خلاف لو طال الغياب=أهم شي أعيش في حلمك ولو طال الدهر