الهيـــــــــــــلا *** منتدى قبيلة عتيبة - ونافق أشفيها يعني لما تنافق؟

قصيدة تتكلم عن واقع اغلبية النـــاس طرح الشاعر بأسلوبة ونجح في علاج هذه المشكلة
مثل هذي القصائد نحن بأمس الحاجة لــهــا:ــــ

قصيــدة لـــشـــاعـــر الــمــبــدع/عبداللـــه بـــن عــــلـــوووووش

يقول طاوعني ولا تجيب سيره .&. أبنصحك يا عل في الأمر خيره

طّوف علشان أتتعدل أمورك .&. وجامل خصوصاً فالأمورالكبيره

سولف مع هذا وهذا وهذا .&. حتى اللي ما يفهم بشيءأستشيره

رفّع لخلق الله وضبط معاهم .&. الدنيا حرب أختار دورك وصيره

أما تكون سلاح والناس هذي .&. ذخيرتك والا تكون الذخيره

ونافق أشفيها يعني لما تنافق؟ .&. لا بأول ذنوبك ولاهي الأخيره

وأكذب يا عمي اصلاًالكذب متعه .&. يكفيك من شره ويعطيك
خيره

وإذا بلاك الله بقول الصراحه .&. قول الصراحة في الأمور الصغيره

أزعجتنا بالصح والحق والصدق .&. الصدق ما ودى هل الصدق ديره

خلص كلامه صاحبي وأنا ساكت .&. ومن عقب ذاك اليوم .. صاحبت غيره