يامرحبا والليل دوب انه بدى ..والجهد يانواف لايذهب سدى=بعد جمعنا الله بوسط المنتدى ..ومسيلمه كذاب ومحمد نبي
ان كان ابن مشيب بخيلة ماغزا .. مثل شبيب ومثل شباب وجزا =بكره يموت ولا نسويله عزا ..ومسيلمه كذاب ومحمد نبي

الك البقاء والليل توه ماسرى.واللي درى بيعلّم اللي مادرى=ومن بيننا يبا يجي رد البرى.ومسيلمه كذاب ومحمد نبي
فعلي ترا كلٍ يعرفه يالبيب.ماتفرقه من فعل شباب وشبيب=والله على خلقه ياغنامي رقيب.ومسيلمه كذاب ومحمد نبي

سجيت رجلي في ديارٍ خاليه ..وانا زبون الاوله والتاليه =اصيح واومي للنجوم العاليه ..ومسيلمه كذاب ومحمد نبي
نواف يانواف ياذرب اليمين ..لاتذي الدنيا وتذي المسلمين =واللي خفا لابد للعالم يبين..ومسليمه كذاب ومحمد نبي

من بعد ماسجيت رجلك ياصبي.جيت اتعدي وانرجعك وانت تحبي=وترا الذكي ياصاحبي عكس الغبي.ومسيلمه كذاب ومحمد نبي
هذي حقيقه والحقيقه عانها.حجتك قدمها على برهانها=حتى نميز بالفرس وعنانها.ومسيلمه كذاب ومحمد نبي

ذكرت غفلً ماوسمت اعناقها..قلت اقطع الفرجه واجي مستاقها =والبندق الجبعا على معلاقها ..ومسيلمه كذاب ومحمد نبي
انا اشهد ان الصبر مفتاح الفرج ..وانته سليم الساق ماضنك عرج=والهارج اليا زان اله وقته هرج ..ومسيلمه كذاب ومحمد نبي

الموت قدمك والبحر عانه وراك.مالك مفر ولامنير الا الهلاك=وان دست حد الناس داسو لك حماك.ومسيلمه كذاب ومحمد نبي
الصبر زين وربنا مع من صبر.وانته سليم العين ماظنك عور=لكن ياحيف ان رجع هرجك صفر.ومسيلمه كذاب ومحمد نبي