الليل شمر و قام يبين وجه النهار=وقريحتي صامته ما شرعت بابها
والموعد القابله والربع فالانتظار=واللي على البال يا ربي تجينا بها
يا هاجسي ما ذخرتك للعلوم الصغار=ذاخرك للمفحمات ليا حضرنا بها
من صاحبي ما تجملني سمان العذار=وانته ورا هقوة اللي فيك يهقى بها
عطني من الوضح وضح ٍ ما عليها خيار= ماني بمرتاح لين اوسّم رقابها
يا مثيب دعوتك جتني واتخذت القرار= لاجيك تقدير ٍ للحيتك واشنابها
لو بعّدتنا المشاغل والخطى والديار= يفداك من جاته الدعوه ولا اجابها
شاعر و وجهي جري والزند يقدح شرار= واقلط عليها وانا غالب ولا اهابها
حضرت ولي الفخر في ماقف الافتخار= فالحفله اللي يفوح القصر باطيابها
عبدالمجيد انت حر ٍ من مواكر حرار= من روس قوم ٍ يعود المجد لانسابها
يزهاك جوخ السطر يزهاك بشت الوقار= ويزهاك مجد الجدود اللي تعزوا بها
الله يحييك باسم اهل الفعول الكبار= بلسان حضارها ولسان غيابها
حنا عتيبه لنا تاريخ والنا اعتبار= قوم ٍ دخلنا الحياه مع اوسع ابوابها
اهل النمش والمشوك واهل قحص المهار= قبيلة ٍ ما يبات الليل حرابها
يوم الحرايب رحاها كل يوم ٍ يدار= واحد ٍ تحت ضرسها واحد ٍ تحت نابها
قدام عهد الرخاء والعدل والازدهار= وتموت نار الفتن ويموت مشهابها
في ظل شجرة هل العوجا طوال العمار= الشجره اللي تذري من تذرا بها
حنا لكم والحقيقه ما عليها غبار= وانتم لنا والعدو كبده ومنسابها
والدين والصف واحد والشعار الشعار= نخله وسيفين نحياها ونفنى بها
وختامها مرحبا واللي بغيناه صار= واللي على البال جات وربنا جابها

المشاركة الأصلية كتبت بواسطة غالب ابو كتيفه (المشاركة 1161093) السلام عليكم ورحمة الله وبركاته قصيده بمناسبة الحفل الذي أقامه الشيخ مثيب الزيادي العتيبي عمدة حي الملز بالرياض على شرف صاحب السمو الأمير عبدالمجيد بن سعود بن محمد آل سعود تقبلوها للتواصل .. الليل شمر و قام يبين وجه النهار=وقريحتي صامته ما شرعت بابها والموعد القابله والربع فالانتظار=واللي على البال يا ربي تجينا بها يا هاجسي ما ذخرتك للعلوم الصغار=ذاخرك للمفحمات ليا حضرنا بها من صاحبي ما تجملني سمان العذار=وانته ورا هقوة اللي فيك يهقى بها عطني من الوضح وضح ٍ ما عليها خيار= ماني بمرتاح لين اوسّم رقابها يا مثيب دعوتك جتني واتخذت القرار= لاجيك تقدير ٍ للحيتك واشنابها لو بعّدتنا المشاغل والخطى والديار= يفداك من جاته الدعوه ولا اجابها شاعر و وجهي جري والزند يقدح شرار= واقلط عليها وانا غالب ولا اهابها حضرت ولي الفخر في ماقف الافتخار= فالحفله اللي يفوح القصر باطيابها عبدالمجيد انت حر ٍ من مواكر حرار= من روس قوم ٍ يعود المجد لانسابها يزهاك جوخ السطر يزهاك بشت الوقار= ويزهاك مجد الجدود اللي تعزوا بها الله يحييك باسم اهل الفعول الكبار= بلسان حضارها ولسان غيابها حنا عتيبه لنا تاريخ والنا اعتبار= قوم ٍ دخلنا الحياه مع اوسع ابوابها اهل النمش والمشوك واهل قحص المهار= قبيلة ٍ ما يبات الليل حرابها يوم الحرايب رحاها كل يوم ٍ يدار= واحد ٍ تحت ضرسها واحد ٍ تحت نابها قدام عهد الرخاء والعدل والازدهار= وتموت نار الفتن ويموت مشهابها في ظل شجرة هل العوجا طوال العمار= الشجره اللي تذري من تذرا بها حنا لكم والحقيقه ما عليها غبار= وانتم لنا والعدو كبده ومنسابها والدين والصف واحد والشعار الشعار= نخله وسيفين نحياها ونفنى بها وختامها مرحبا واللي بغيناه صار= واللي على البال جات وربنا جابها