يا بو متعب مرحبا بالعوده المحموده = مرحبابك يالمليك الي علينا غالي
عاد راع الخير واخًضرً الشجر في عوده= والديار استبشرت وام اليتيم تلالي
من شمال المملكه لاقصي جبال السًوده= ومن بحرها شرق لاقصى مهبط الانفالي
لبست ثياب الفرح وتردد احلى انشوًده= ولقدومك شًرعت يا سيدي تختالي
والسجين الي بسجنه وثًقلن قيوده= يوم جاه العلم زاح الهم والغربالي
قام يضحك ويتبشًر كل من جا يعوده= والفرج قرب عليه بفكت الاقفالي
يا كريمٍ لا عطا مايعطي المزهوده= يارحيمٍ كم مسح من دمعة الاطفالي
لين قلب وحلم عقل وخطوةٍ مشدوده= في طريق الخير دايم جالها مدهالي
والوطن في عودتك يا سيدي محسوده=اشعلي يانار في كبد الحسود اشعالي
واطربي يا قلوب شعب المملكه وجنوده= والعبي العرضه بعودة مرهب العيًالي

المشاركة الأصلية كتبت بواسطة وصل الشهيب (المشاركة 1160720) الأخ الشاعر سلطان المفرجي صح لسانك والله مشاعر صادقه ووفاء غير مستغرب من الأوفياء تحياتي

المشاركة الأصلية كتبت بواسطة مرزوق حمدان العتيبي (المشاركة 1161211) .. . صح لسانكــ ياسلطان وعوده حميده سعدنا بها . والله يحيي ابو متعب بين ابناءه والحمدلله على سلامة صقر الجزيره ...

المشاركة الأصلية كتبت بواسطة ابن صنهوت (المشاركة 1161243) صح لسانك يا سلطان ومن طول الغيبات جاب الغنايم