يالسايق اللي معك موتر جديد ؛؛؛؛
 

بسم الله الرحمن الرحيم


يالسايق اللي معك موتر جديـد=ساهر نظامه على قيـد الحيـاه
خلك حذر قبل تلقالـك رصيـد=في كل شارع وبعيونـك تـراه
سرعتك ستيـن عنهـا لاتزيـد=والخط الابيض توقف من وراه
وان صورك شوف عذرك مايفيد=هذا خطاك انت مايحسب خطاه
اللي يخالف ترى ماهـو سعيـد=ياخذ قسيمه ومحسوبـه عـلاه
ساهر نظامه كما الراس العنيـد=مايقبل الواسطه في اللي نـواه
اليا نوى صيدته يعـرف يصيـد=واللي يصيده يبـى يلقـى دواه
مايعكس الانظمـه غيـر البليـد=وان شافك الناس قالوا وش بلاه
ويش اللي يزعلك وانت المستفيد=قدام كم راح في الساعـه وفـاه
الناس راحوا تحت كوم الحديـد=الا اللي كاتب له الخالق نجـاه
ساهر نظامـه يخطـط للبعيـد=وان جيت للصدق مانلحق مـداه
يالسايق اللي معك موتر جديـد=ساهر نظامه على قيـد الحيـاه

صح لسااااااانك

يالسايق اللي معك موتر جديـد=ساهر نظامه على قيـد الحيـاه


الله يـــــــــــــطــــــــــــول في عمر ساهر ويجعله دايم على قيد الحياه

فوائده كثيره شهدناها من قلة الحوادث والوفيات والاصابات

الله يعطيك العافيه علي مرورك

أشكرك علي مرورك أخويه

الناس راحوا تحت كوم الحديـد=الا اللي كاتب له الخالق نجـاه
ساهر نظامـه يخطـط للبعيـد=وان جيت للصدق مانلحق مـداه

الله الله ’,

صح لسسسآن قآيلهآ وسملت يمنآك على النقل ’,