يالعنـبـوه الـشـاص الالفـيـن واثنـيـن=عــــزالله ان المـبـدعـيـن أبـدعـوبــه
تساعدوا فـي صنعـه أطلـق خبيريـن=بـاشــراف عـالــم مـبـتـداه ابـتـدوبـه
بـرافـسـورٍ مـخـتـرع لـــه بـراهـيـن=فعلـه حصانـه عـن خطـاه ورسـوبـه
حصل شهاده علـم مـع خبـره سنيـن=ولـه جايـزه نوبـل زمــان محسـوبـه
مــن عائـلـه باالـعـلـم دايـــم ملـمـيـن=تـاريـخـهــم بـاالـعــلــم تــوارثــوبــه
أبـــوه يـابـانــي سـيـاســي قـوانـيــن=فــي دولـتـه يـصـدر نـظـام العقـوبـه
ولأم نـــازيـــة مــوالــيــد بــرلــيــن=وخـوال خالـه مــن مـواريـث كـوبـه
صحيح ناقص لأن ماهو على الديـن=عــالــم وعـلـمــه مـايـكـفـر ذنــوبــه
أما اختراعاته عـلي الـراس والعيـن=يشكرعـلـى أفـكـاره ودقــة اسـلـوبـه
اصخر بصنع الجيب من قبل عامين=بـاالـسـر حـتــى دولـتــه مــادروبــه
لين انتجه وانتاجه ازيـن مـن الزيـن=رغــم اخـتــراع الـغــرب تفـاجأوبـه
مـن جودتـه لـه باالصحافـه عناويـن=باالسـوق رابـح كــل مــن تاجـروبـه
رجــح مـوازيــنٍ وهـبــط مـوازيــن=كــل الــدول باالبـورصـه ساهمـوبـه
لانـدكـروزر الـلـي تعشـقـه ملايـيـن=قـبــل يـجــي لـلـشــرق تـبـاشـروبـه
مــن دولـتـه جـابـه وكـيـلـه بتـأمـيـن=لـدولــه آل ســعــود مـلـفــاه دوبــــه
آباصـفـه كـلـه مــن يـســار ويـمـيـن=لـو ان فــي وصـفـه علـيـه صعـوبـه
بين كما ابـو الهـول مبنـى الفراعيـن=كـلـه حـجـر مـابـه حـديــد وطـوبــه
وبيـن المواتـر سكبتـه تجـلـي البـيـن=سكبـة زعيـم ومحتفـل فــي خطـوبـه
والـلـون بـيـج وبويـتـه مــن بلاتـيـن=ضـد الحـراره والـهـواء والرطـوبـه
وحمـار خطـه مثـل سيـل البراكـيـن=والا حمـار الشـمـس حــزه غـروبـه
وكبوته أنحف من حجم بديـه شويـن=ورفـارفــه متنـاسـقـه مـــع جـنـوبــه
وماطور صماماتـه أربـع وعشريـن=وبـخـاخ مصـروفـه يـقـنـن شـروبــه
ومسـاعـدات أربـــع وقـــدام يـايـيـن=ودفـرنـس وفـريـول يـحـرك كعـوبـه
وونشين سحب ويسحبن وزن طنين=وهـزاز يمنـع باالصـحـاري نشـوبـه
سـلـعـه ثمـيـنـه لـلـرجـال الثمـيـنـيـن=راع الـولـه يشـريـه لــو بــاع ثـوبـه

اخوي مناحي
تسلم على هذا النقل الجزل
وصح لسان العنزي قصيده جزله