ما مات رجل(ن)و لو كان طلعت روحه = اللي مخلف مثل فهد مع اخوانه
الجيب مفــتوح والبــيـبان مفتوحــة =والضيف وان جا عرف بيته وعنوانـه
غاب الشجاع الكريم ونفس مملوحـة =اللي ليا اعطا شمل بالخير جيرانه
يا الله عسى جنة الفردوس مع روحـه =يا رب الأرباب رب الكون سبحانه
اعزي النفس في رجل(ن) سطع ضوحه =واعاتب النفس لا تزعل على شانه
يا فهد انتم عــماد البيــت وسطوحه =والبيت ثابت على القمة بسيسـانه
خليفة اللي طبعت اسمه على اللوحة =لا يمكن أنساه وأيضاً صعب نسيانه
ما في الضماير يثير النفس و تبوحه =والصبر عند المصيبة صعب كتـمانه
غيث اليتامى ومن قلّت به الروحــة =كم من يتيم(ن) جلا همه مع أحزانه
ركن لكل القبايــل ما قِصر شـــوحه =من جـاه عــاني رجـع واليـد مليـانه
وأبناء الحرس من بعد فرقاه مجروحة =ينعون رجل(ن) تعلّى وارتفع شـانه
ولاغاب عن ناظري ضحكه مع مزوحه =أبــو فــهد قوتـه مـن قــوة أيــمانـه
و ذي سنـة الله في خـلقه و مشروحه =والله يدخـــله في الجنة ورضــوانه

صح لسانك والله يرحم سعود ويعفو عنا وعنه ويجعل الفردوس مأواه. امين.

واسمح لي على تصحيح اخطاء الطباعة.
:
:
:
: