ماألوم دخان الحطب يوم يتبعك= مع طيب شخصك معجبه فعل يمناك
وشلون لو إنه يشوفك ويسمعك = والله يابوسلطان ليتابع خطاك
نشأتك فاعران الضراغم ومنبعك= يعيش ضرغامٍ على الطيب رباك
ما خاب ظنه يوم بالطيب طبعك = وعلى إسم سلطان السلاطين سماك
شبلٍ على نطح الشديدان مااسرعك= ماكذب اللي قال هذا لهذاك
صعبٍ على الاجيال يانجم مطلعك = تفرق بفعل الطيب والطيب علاك
والمرجلة ياسعود مولودةٍ معك = وعشقتها والعز فالدرب خاواك
سبحان رب الخلق في شخص جمعك= والله هنا وهناك وهناك وهناك
خصك بميزاتٍ عن الغير ترفعك= يا متعب اللي بالفعول يتحداك
على الكرم تقول حاتم مودعك= حفظ الكرم وأنت الكرم ويش لولاك
بالمعتصم بالله فيه امر يجمعك= فزعتك تشبه فزعته ماتعداك
يامورد الهياب ماأصملك وأشجعك= ياناصرٍ ربعك ويامرهب اعداك
عن موقفك ماعاش منهو يزعزعك= واثق بميقافك وواثق بممشاك
كلٍ بحكمتك يتأثر وطابعك=وصعبٍ على غيرك يسوي سواياك
الناس حبت مع فعولك تواضعك= وحب البشر ياامير من حب مولاك
الظاهر إنك لو تأشر بأصابعك=كلٍ بروحه ياابوسلطان يفداك
بقلوب مغلينك مكانك وموقعك = كل القلوب تقول ياأمير حياك
والشعر عن بعض القصور يتشفعك= لاصار عاجز لايعددمزاياك
واكيد دخان الحطب يوم يتبعك = أبهرته بطيبك وبأفعال يمناك