ياقلبي اللي فيه همٍ وخفخاف=يكفخ تقول مركب له جناحي
اله على ريع الندامه بمهداف=اتحده بوقته ليالٍ شحاحي
كله سبايب صاحبي زين الاوصاف=الصاحب المجمول ضبي البراحي
ابو خديدٍ كنه البرق رفاف=اتقول برقٍ فالمخاييل لاحي
ومجدولٍ يشابه ليا وصف الحاف=لحاف للي للجليد متناحي
ياشبه وظحاً فالمغاتير ميلاف=تجي ليا صاح راع الطياحي
في غيبتك لحقني عموم واخلاف=وارادف الونات جر الصياحي
وارقاء بمشرافٍ مهوب اي مشراف=واناحي فروخ الحمام النواحي
واهوجس بغيبتك واردد القاف=اردد القيفان والسد باحي
والقلب يمك قاد قودات الاسلاف=وذكرك يجيني فالمساء والصباحي
واليوم باقي كلمتٍ يمكن (أعاف)=اما (الوصل)ولا انت (تطلق صراحي)

المشاركة الأصلية كتبت بواسطة سيف نت (المشاركة 1157499) صـــــــــح لسانك

المشاركة الأصلية كتبت بواسطة مــعــدي الــعــتــيــبـي (المشاركة 1157579) السلام عليكم صح السانك اما الوصل ولا انت تطلق سراحي ختام روعه مبدع يعطيك العافيه