مل قلبِ يردف الونه بونه=ماتهنى فالزمان ولا استراحــي
كل ماظن وعساه ازين ظنه=تعترض قدمه همومٍ ماتزاحـــي
قام يقرع فالزمان اقراع شنه=والليالي تلعب ابه عظيم ضاحي
مير دام اظروف وقته غربلنه=لاتلحقني ملامه يامناحــــي
يوم اهرج واحدٍ بالوصف كنه=برق صيفٍ ياوسيع العرف لاحي
لازم ان ماش الزمن لو شان فنه=والمجامل ماتمنيته سلاحـــــي
والا انا ادري والله انه والله انه=مايجيني من ورى مثله صلاحـي
خابرٍ وش مقصده لو بان سنه=ماوراه الا النجاسه والنباحــي
ودامي احصاني مع اهل الطيب اعنه=وذاكر اذكار المساء ويا الصباحي
ولا مشيت الا على فرضٍ وسنه=وراجي المعبود عفوه والسماحي
كان حصلت المهبل والمجنه=اضحك امع الكل والتفكير صاحي

المشاركة الأصلية كتبت بواسطة محمد العتيبي (المشاركة 1156895) الله الله الله قصيده رائعه .. لحن رائع .. آداء رائع .. إخراج رائع ..

المشاركة الأصلية كتبت بواسطة سيف السليس (المشاركة 1157061) صح لسانك ياعناد , وبأنتظار جديدك :)

المشاركة الأصلية كتبت بواسطة مرزوق الجعيد (المشاركة 1157185) صح السانك ابداع من كل النواحي تحيتي