بدّيت ذكر الله بمبدا كلامي=الواحد اللي عالمٍ بالسريره
ثم بعد ذكر الله رفيع المقامي=ابدا بيوتٍ كن هن المغيره
والشعر في راع الجزيلات سامي=فاللي يحلى بالسيوف الشطيره
وعد البروق ابدا واثني سلامي=سلام لملوك الوطن والجزيره
واخص ابو متعب سليل الحشامي=اللي لهم من بين الاوطان سيره
معزي اللي جاء وسل الحسامي=وحد وطنا بالقناء والذخيره
عساء على قبره يهل الغمامي=وتبقاء صقور الدار باعلى مسيره
وتحفظ ملكنا غيث من جاه ضامي=عبدالله اللي شب للطيب نيره
صقر الوفاء والطيب حرٍ قطامي=على جميع الناس قد عم خيره
ودون الوطن سيفٍ يقص العظامي=الدار دونه مارجع في جفيره
يبطي عدوه مايذوق المنامي=شرٍ على راع العيون الشريره
وحنا معه في كل وقت"وعامي=على العدو مثل الرحى المستديره
ندهن ثوى اللي مايعرف النظامي=نلطمه قبل انه يكمل مسيره
انسوّد بوجهه سوات الظلامي=من جنب عن الدرب حسنا مريره
وختامها وازكى الصلاه الختامي=صلوا على اللي جعلنا في مصيره
على نسل عدنان سيد الانامي=اللي دعانا للدروب البصيره

المشاركة الأصلية كتبت بواسطة أبو مرحبا (المشاركة 1155051) حفظ الله الملك عبدالله بن عبدالعزيز صح السانك على القصيدة تقبل مروري

المشاركة الأصلية كتبت بواسطة مرزوق حمدان العتيبي (المشاركة 1155082) .. . صح لسااااانك ملاييين قصيده جزله من شاعر جزل. دمت بخير وننتظر جديدكــ.

المشاركة الأصلية كتبت بواسطة مــعــدي الــعــتــيــبـي (المشاركة 1155426) السلام عليكم صح السانك