يالله يالمعبود ياعالم الغيب=ياللي على عبدك غفورٍ رحومي
ياللي لمن يرجيك مايرجع مخيب=يامنشي من البحر سود الغيومي
اعتق رقبتي في نهار المحاسيب=في ساعةٍ فيها تضيع العلومي
اعتق رقبتي من لهيب اللواهيب=ياللة زبنتك من لهيب السمومي
نمشي مع الجرهد ونخطيه ونصيب=ولانعبد الاأنته ياجال الهمومي
وانا من الدنيا خذيت التجاريب=اخذت من دنياي خير السلومي
ودرب الصواب مرافقٍ للاشانيب=اللي منازلهم بروس الرجومي
الطيبين اهل الوفاء والمواجيب=الطيبين الصاملين القرومي
ولا مرافق شاذبين العراقيب=ينزل الرجال ليلٍ ويومي
لو هو تعلى فوق روس المراقيب=ينزله فالقاع تبع الرخومي
والطيب في راع الوفاء يثمر بطيب=والطيب قسمٍ من خيار القسومي
وهذا كلامي دون شكٍ ولاريب= نصيحةٍ بلاش لحدٍ يسومي
جربت فالدنياء كثير التجاريب=وأخذت من دنياي رخصة عمومي
وختامها مني سلام وتراحيب=وصلوا على المختار عدالنجومي

المشاركة الأصلية كتبت بواسطة أبو مرحبا (المشاركة 1153808) ابداااااع يانواف الشيباني صح السانك تقبل مروري

المشاركة الأصلية كتبت بواسطة ولد الضيغمي (المشاركة 1154530) صح لسانك يا ابن مشيب لاهنت

المشاركة الأصلية كتبت بواسطة زيد ابو كتيفه (المشاركة 1154748) ولا مرافق شاذبين العراقيب ينزل الرجال ليلٍ ويومي لو هو تعلى فوق روس المراقيب ينزله فالقاع تبع الرخومي والطيب في راع الوفاء يثمر بطيب والطيب قسمٍ من خيار القسومي صح لسانك يانواف مدد بلا عدد ابيات جزله للغايه لاهنت ولا عدمنا ابداعاتك

المشاركة الأصلية كتبت بواسطة مــعــدي الــعــتــيــبـي (المشاركة 1155427) السلام عليكم صح السانك اللهم امين ويعطيك العافيه