(ياصقر ) قلنا العام واللي ورى العام =يا للأسف قلنا ولا أحد ٍ سمعنا !!
ياما كتبنا لين جفّن الاقلام =ومن الوعود الكاذبه قد شبعنا !
ضحكوا علينا اللي تفنن فالاجرام =وان سكّتونا بالوعود اقتنعنا !!
رحنا طعام اسباع في دين الاسلام =وفي كل عام ايمرّ يكثر وجعنا !!
(جده ) تعيش بليل مظلم لها ايام =ضاعت وحنا قبل لـ / تضيع ضعنا !
صارت ضحيّه بين بائع وسوام =اثر اسمها له الف معنا ومعنا !!
هي ( غير ) عز الله بتحطيم الارقام =ياكم طرحنا من رقوم وجمعنا !
واقع مرير ويشمل الخاص والعام =وفالواقع اللي عايشينه وقعنا !
لو حاولوا حجب الحقايق فالاعلام =بعيوننا على ماصار اطّلعنا !
قلنا يقوم الحظ مرّه ولاقام =ماعاد يبقى الاّ البحر يبتلعنا !!
والشعب من صكات الايام منظام =ومن همّنا حتى الفضاء ماوسعنا !
انعيش في خير ورخا وامن وانعام =ولـ / أخواننا في كل شدّه فزعنا !
لكن طالوا عندنا كل الاقزام =وتغلغلوا لين افسدوا مجتمعنا !
عطاهم الله خير دوله وحكام =شبعوا (وحنا اللي ضمينا وجعنا )!
صحيح دولة عز وانظامها انظام =ياليتنا مع من طمعها ( طمعنا ) !

انعيش في خير ورخا وامن وانعام=ولـ/ أخواننا في كل شدّه فزعنا !
لكن طالوا عندنا كل الاقزام=وتغلغلوا لين افسدوا مجتمعنا !
عطاهم الله خير دوله وحكام=شبعوا (وحنا اللي ضمينا وجعنا )!