ألنـت مجمـع للوجيـه المسافيـر = مجلس وقار لمـن يسجـل دخولـة
يوم ٍ بعض الناس لة نظـرةٍ غيـر = لة نظرةٍ عن حضرتـة فـي مثولـة
من يحسبن ألنـت جمعّـت دعاثيـر = مـا طبـل ألا خابـرٌ لـة طبولـة
لا صار ما فالنـت حشمـة وتقديـر = مالك ومال ألنـت عرضـة وطولـة
أترك مجال ألنت وتعيش فـي خيـر = يا من تردى فـي عيـال الحمولـة
لا صار مافي عالـم ألنـت تقصيـر = رحنـا علـى مايسـر الله خبولـة
لا صـار مافالنـت كـار ومناعيـر = ورجـل ٌ يقـدر كلمتـي ويشهولـة
لا صـار مافالنـت حـق ومعاذيـر = ها كل مـن عنـده كلامـاً يقولـة
ماعاد نرفعها عن المسـك والكيـر = تبـا تسـاوى والكبـود أمعلـولـة
ما باقين لبليـس غيـر المزاميـر = نزمر معه واللـي يطولـة نطولـة
ونفرح بعلم الشين مثـل المداويـر = ويمكن بعد نستقبلـة فـي وصولـة
لا صار حشمة عالم النت (( للقير )) = وحـلاوةٌ فـوق اللسـان أمعسولـة
اللي تبينه أبشري بـة يبـا يصيـر = وحنـا نعـود للجهـل والطفـولـة
ما نابنـا فالنـت غيـر المخاسيـر = على ضياع الوقـت ندفـع عمولـة
ونبلش مع اللي نظرته كنهـا طيـر = وطير البحر مايذبحـة غيـر زولـة
أنا أعرف أن ألنت مجمع مشاهيـر = مرقاب ريح خـزام نجـد البطولـة
للي يعـرف يقـدر الكـل ويسيـر = مجلس وقار وفية مـن كـل دولـة
تلقى أبه عنتر وأبو زيـد والزيـر = لكن عيـب ألنـت كثـرة شمولـة
ماصممـوه ألا عيـال الخنـازيـر = وما مشغلتـه ألا الدمّـي ألخجولـة
ضّوة تهافت فيـة حتـى الصفافيـر = يا مزينة لـو لـه قيـود أمعقولـة