مبروك فوزك ياابوماهر ولابه كلام=سقت المغاتير ثم حصلت مطلوبها
سقت المغاتير ثم خاشرتهم بالسنام=اذيابة شافوا الجزله ودغوبها
احدٍٍ مشاء من جنوب المملكة بأهتمام=واحد مشوا من عوالي نجد ثم جوبها
كلٍ على قسمة المعبود شد الحزام=اديارفيها اصبحوا وديارٍ امسوبها
لين إنها جالها عند الزعيم ازدحام=منقيةٍ كل أبوها يوم مروبها
ماكنها اللا ظلام الليل شوف الجهام=واللا مراويح مزنٍ بانت انصوبها
يحتار راع الولع بمو خرات السنام=يحتار لاشاف غاربها وعرقوبها
والأبل ماهو بكاسبها خطاة الخمام=اللا رجالٍ ليا وخذت تعزووبها
وانته كسبت المراجل كلها بالتمام =يومنها تتعب العشاق بدروبها
كسبتها بالكرم والعزم ياأبن الكرام=لين إنها لبستك المرجلة ثوبها
واختامها عدما هلة مزون الغمام=واعداد من زاروا الكعبة وطافوبها
صلوا على الصادق المصدوق خير الانام =شفيعنا يوم تجزا الناس بذنوبها