بانت نتايج مبعدين المطاريش=وكلن عرف قسمة مع اصحاب الاذواد
صح الصحيح وروحت رحلة قريش=ولاهو غريب ان سادوا القوم الاسياد
الناس تبطش فالمساء والمغابيش=كلن يبا العليا جماعات وأفراد
لكنهم مثل المزون المراهيش=ألي مطرها بين بارق ورعاد
احدن فعوله سيل واحدن رشاريش=والطيب ألي جابها سرج وشداد
ياسايق الفنجال ياجعلك تعيش=عده لأبن قشعان عنوان الامجاد
من دون قاصر فالرجال المداغيس=لكن أبو نايف على الكيف معتاد
الله يبيض وجه زبن المعاطيش =انا اشهد انه كفو ومعرب اجداد
نومس عتيبة واعتلا نافض الريش=في ماكرن يزمي على روس الاشهاد
جاء للمزاين ماحدن قال له ليش؟=أله مع النخبة علاقة وميعاد
يسوق شعلن كنها صفوة الجيش=جيشن من الخفجي تحرك لبغداد
غزايزن ماقيلت فالمعاريش=ألها على هداج مصدر وميراد
مدري منافسها تعنى على ويش=الله ولابعض الخساير والانكاد
ياهل الشعل واهل السيوف المباطيش=يألي لكم في قمة العز مقعاد
تريحوا وش حدكم للتباليش=المسألة ماهيب دلة وبراد
ماتقنع النخبة بغير الحناتيش=وسامة المغزل عريبين الاجداد
أهل الكرم والجود والخيل والجيش=روس الرجال ألي تماري بالامجاد

نبارك لربعانا الفوز بالنخبه ، وصح الله لسانك أخوي أبراهيم


هي لذتها بالمنافسه :) والله لايجيب الخساير والأنكاد

المشاركة الأصلية كتبت بواسطة عبدالمجيد النفيعي (المشاركة 1150230) نبارك لربعانا الفوز بالنخبه ، وصح الله لسانك أخوي أبراهيم مدري منافسها تعنـى علـى ويـش=الله ولابعـض الخسايـر والانـكـاد هي لذتها بالمنافسه :) والله لايجيب الخساير والأنكاد

المشاركة الأصلية كتبت بواسطة وصل الشهيب (المشاركة 1150336) كفو كفو كفو يستااااااااااااااااهل وصح لسانك تحياتي