الهيـــــــــــــلا *** منتدى قبيلة عتيبة - مطلق الثبيتي ورشيد الزلامي

مساء الخير
ودي انزل لكم محاورة من الطراز القديم بين العملاقين مطلق الثبيتي رحمه الله ورشيد الزلامي
ولتي جرت في الطائف عند المناصير من الثبته وكان حاضر الحفله معهم ملفي وعبدالملك
وكان البادي رشيد حيث يقول

الزلامي :

الثبيتي علينا له زمانين ضايق
شايف ضيقته لكن ما اعرف سببها
ودي ابحث معه حتى تبين الحقايق
واعرف المشكه وش راسها من ذنبها

الثبيتي :

يا الزلامي تهرج دام الجو رايق
واشعل النار حتى تشتعل في حطبها
لو تعد الثواني لو تعد الدقايق
ما انت كاسب رضاها ما انت جايب طلبها

الزلامي :

ماتجي ماشيه فا لخط من غير سايق
مير من حدها فوق الرصيف وقلبها
حلها يا احمر العينين باحدى الطرايق
زال ماضاقت الديره وطشوا عربها

الثبيتي :

حسبي الله على رجل يشب الحرايق
لين جات المطافي للحرايق من ابها
ما لقيت الصكوك ولا لقيت الوثايق
كل ما قلت هينه قام يكثر نشبها

الزلامي :

لاتفرح علينا كل ذيب موايق
ثم تطمع بنا الضبعه وتفتل شنبها
يوم عديتها عشرين ولها لحايق
المهنا فعلها والقبوري كتبها

الثبيتي :

مع رجال الجميله ما قطعت العلايق
مير به حيه تنفخ على من قربها
ادفن البير في طياتها لاتهايق
والنصايب يجي من تحتها اللي نصبها