لي قصةً شبت على قلبي الضي=ثم أستجد جرحٍ بقلبي دفيني
وأسبابها طرد الهوى والهوى غي=عز الله إنه كان قلبي متيني
جيتك وأنا مجروح ثم زدتي الكي=زودٍ على اليسرا كسرتي يميني
خلاص عندي مابقالك ولا شي=روحي وأنا بروح يانور عيني
شفتك سراب وجيت أبي منه المي=يسوقني شوق وضماي وحنيني
أكيد بلقا الماء وأبأحصل الفي=وبلقى ورودٍ تقتطفها إيديني
وجيت أطوي البيدا على مأشتهي طي=وأزيح قطرات العرق عن جبيني
تعبان لاكن قلت أبأريح إشوي=إليا وصلت هناك زانت سنيني
لكن أنا حضي كذا دايماً سي=حتى السراب إيحال بينه وبيني
روحي خلاص من التعب مابقى شي=روحي ولكن بطلبك سامحيني
وفي دنيتك عيشي وأنا باقين حي=وإن صكت الدنيا عليك أذكريني

صح للسانك

على القصيده

المصوره بصوره جميله


مبدع يالخراص

سجل اعجابي

اخوك