مصافحه للهيلا
 

بسم الله الرحمن الرحيم

السلام عليكم ورحمة الله وبركاته اما بعـد ,,,

يسعدني ان اصافح اخواني في هذاء المنتدى الكريم

بهذه الابيات أملا ان ترقى لذايقتكم وتلاقي استحسانكم

وتقبلوا سلامي ومروري ..


سلام يارجال الشـرف والـكـرامـه ,,, وتـحـيـةٍ تـنصـا الرجـال الحـلاحيل

اللي لهم في نجـد سـبق الزعـامـه ,,, لطـامـة العـايـل وذباحـة الحـيل

قوماً على الشدات فـيهـم صـرامـه ,,, عـتـيـبـه الهـيـلا زحــول الرياجيل

اللي من العرض إلى اقـصى تهامه ,,, في ظلهم لو يضحكن التـفاصيل

لـفـعـولهـم فـصـدور الايـام شـامـه ,,, يشهد بها التاريخ جيـلاً بعـد جـيل

مـحـفـورةٍ ف،الـمـجد واعـلا سنامـه ,,, هذه الحقيقه وابعـدي يادهـاويل

فـعـول طـيبٍ مـاتـجيـها رخـامـه ,,, ومـجداً سما ذكره عن القال والقـيل

لـمـدحـهم الـعـز يرخـي لـجامـه ,,, وعـن ذمـهـم تلـجـم هـزال الاقـاويل

حشمـه لصـناع الفـخر والشهامـه ,,, اللـي لهـم صـعبات الاريا مبـاهـيل

خــويـهـم دايـم عــزيزاً مـقـامـه ,,, ولـجـارهـم هــتـان مــثل الـهـمـالـيل

يالمـنتدى اللي ماتجيك المـلامـه ,,, اقـبـل تـحـياتي وشـكـري وتبـجـيل

وسلامتكم
وللجميع تحياتي
اخوكم
أخطل عرب ,,,[/size]

صح لسانك وأهلا بك في محلك


تقبل مروري وتحياتي

اخوي مرزوق حمدان صح بدنك
والمهلي مايولي وافي
وصح لسانك
والنور نوركم لاعدمتك ولاهنت ,,

اخوي محمد عويض
صح بدنك وهلابك اكثر
وتدوم وتحيا لاهنت ,,