يا عتيبة وش تقولون لو جوكم هذيل
 

هذي محاورة رباعية في حفلة الشاعر محمد العازمي
الشعراء : حمدان العصيمي و وصل العطياني وفي المقابل عبيدالله القارحي وحامد القارحي



حمدان العصيمي :
مرحبا بضيافة اللي عسا عمره طويل
الرفيق اللي ينومس بطيبه و كرمه

وصل العطياني :
يا محمد غيبتي عن لزومك مستحيل
حوف جدي يمشي اسم العتيبي في دمه

عبيدالله القارحي :
البقا والله يجمل رياجيل الجميل
والشجيع اللي رصاصه مشرف محزمه

حامد القارحي :
يا عتيبة وش تقولون لو جوكم هذيل
القضية حولوها لقاض المحكمة

حمدان العصيمي :
يا عميلي فالرخا فالشقا منت بعميل
كان عندك حل حِل الرموز المبهمة

وصل العطياني :
خيـّر الهذلان فالكيف والسيف الصقيل
وان بغيتوا حل طيّب خذوها بشحمة

عبيدالله القارحي :
لا تعجّل يالعصيمي ترى المسرى طويل
خادم الامجاد ياخوك حظّه يخدمه

حامد القارحي :
قالوا العراف قبلي ولا هو مستحيل
لو يموت الحر بالغبن في شبك رخمة

حمدان العصيمي :
انت تعرفنا عتيبة هل الشعر الاصيل
نفحم الشاعر وننشب لسانه في فمه

وصل العطياني :
ما استفدت من الحِكم لا كثير ولا قليل
تحسب ان الحر طارف تجيه و تلزمه

عبيدالله القارحي :
ما بقى الا تدّعي انك ابراهيم الخليل
وانت تخضع للصميدع ليا رف علمه

حامد القارحي :
لا تكلم وانت ما معك للحجة دليل
آه لو ان الشياخة بكبر الجمجمة

حمدان العصيمي :
ما تبين الزبدة الا بعد خض الصميل
والبدو من طاح قدامها ما ترحمه

وصل العطياني :
ليش نجرح واحدٍ عندنا مثل الدخيل
لو بغيت اعطيه كلمة تفطّر برطمه

عبيدالله القارحي :
الكلام بلاش وان جات للوزن الثقيل
المواقف لهلها والقوافي محكمة

حامد القارحي :
من بلادي في بلادي ماني عابرسبيل
قبل عشر سنين يا وصل جاتك مكرمة

حمدان العصيمي


وصل العطياني

فرق كبير جدا بين الطرفين من وجهة نظري
ولو إن القارحي لأبأس به

الله لا يهينك يالرشاش

خيـّر الهذلان فالكيف والسيف الصقيل
وان بغيتوا حل طيّب خذوها بشحمة


احلا بيت واحلا نقض

تدروت وصل ليش يبدع لانه شاعر نظم قوي

خيـّر الهذلان فالكيف والسيف الصقيل
وان بغيتوا حل طيّب خذوها بشحمة


يلموووني في وصل العطياااني



اقولها بالفم الميااان


شعار المحاوره عليهم خطر من وصل العطياني



والليالي اطوول من اهلها ..

لاهنت يالرشاش





محاوره ند لند ولا أروووع




ووصل وحامد لهم كلام كبييييييير الأيام الجايه



ليش نجرح واحدٍ عندنا مثل الدخيل
لو بغيت اعطيه كلمة تفطّر برطمه


يخرب بيتك يا وصل العطياني




اعجابي

وانت لاحقك شك في وصل

والله يالاولا خوفي من المشاكل والقيل والقال

اني لاعلمك في قوة وصل وبالادله والبراهين

انا قريت قصايده هنا قمه واعجبني ومحاوراته ماعليها كلام قويه وفي تصاعد

وخصوصا لعبته ويا الرياحي اعتقد انها صارت عند امير الشيابين

لاياخذونك الاعلام فالصيحه وصل من مقادم عتيبه فالمحاوره