الهيـــــــــــــلا *** منتدى قبيلة عتيبة

السلام عليكم ورحمة الله وبركاته

اسعد الله جميع اوقاتكم بالايمان ...وطاعة الرحمن

قصيده جميله للشاعر الكبير خالد العتيبي

اعجبتني وحبيت انقله لكم

ياعقاب مدري مدح وألبستك وشاح
والا الرموز يحلها من طرقها

ياسيد الزرقاء تعلى ومرواح
لين سقتها مع قبة الكون سقها

تكي بصدرك للذعاذيع وارتاح
وافلج محاديب السحايب وفقها

خل السواري عنك وانزاح وانزاح
واعلى مراقيب(ن)على الجدي وقها

مثلك ليا ستــّل حناجه مع الضاح
وارخى سمار الريش في معتلقها

استسلمت كل الجوارح لمن شاح
عنها وجدد من علوه رهقها

سيف(ن) ليا جرد على الصيد ذباح
وموس(ن) ليا ناش الضوافي حلقها

وهواي نجم وكفختك بارق(ن) لاح
وتكبيرة الميت على اللي لحقها

ومابين مضرابك وفلاج الأصباح
بيض الثنادي قبل يرهج علقها

لاشلت ملت ولاتواسيت وان طاح
ظلك على كبد الطريدة فلقها

ولا ليا نشت الخريشة من الراح
ماكن ربك قبل تدمي خلقها

وليا شلعت وجا لك صياح وطياح
كنك وكن اللي ذبحها وفقها

وصف الحصان اللي ليا لزت طفاح
هذي توطاها والاخرى فهقها

عن بعد حر ولا تقاربت سراح
وان جيت عبد أظنا الحرار وعتقها

وأخطى عليك مسمي الصقر ياصاح
بالحر وانت الحر للي فرقها

وشلون حر وجذب راسه بملواح
عيشه على كف الرجال وعرقها

وانته سندك عضود وصعود وجناح
وحداد سم الطايرة في شنقها

ماذلك البرقع ولاردك صياح
ومن حيث ماتبغى مع الكون سقها

تقبلو تقديري