وقفت مابين الهواجيس محتار = شيٍ يضحكني وشيٍ يبكي
شيٍ يخليني على واهج النار = وشيٍ على عز وكرامه متكي
والحظ أصبح مثل بوابة الدار = مرٍ يشرعلي ومرٍ يصكي
والقلب يالصاحب غدا مثل مسمار = من داخل الصدر المعذب يفكي
والفكر من ماشافت العين ينهار = تدكه الأحداث والوقت دكي
مثل المريض اللي مايلفيه زوار = أو مثل محكومٍ بسجنه يركي
يلفبي وقتي مثل لف الإعصار = إلين سلمني ليد المذكي
ماعاد أميز ماجرالي وماصار = فالبال يتداخل يقيني وشكي
لاشك أنا مسلم وراضي بالأقدار = والرجل في بعض المواقف يحكي
أحسب حساب الموت وختام الأعمار = أصوم وألبي وأصلي وأزكي
وأدعي وأقول الله يفرج لصبار = لو إن مايجري بحالي يبكي

قصيده

وشاعر


في غنى عن التعريف


صح للسانك

يابونايف

سجل اعجابي