رمضان المنتشري- زبن القاضي
 

طاروق اعجبني كثير وهو بين شاعر الهيلا: زبن القاضي والشاعر المبدع:رمضان المنتشري

الطاروق كان بعد كارثة جده بحوالي اسبوع .

هذا ماعندي والباقي عند ابو فايح:


رمضان المنتشري

يازبن شارع جاك ماهو محله
امشي معه كني مشبه على جاك

يقلون شارع جاك واقول لله
ماباقين غير الهناقر والاسلاك

زبن القاضي(شاعر الهيلا)

ماتدري انه جاه سيل (ن) وشله
تحمدالله واشكره يوم ماجاك

لو أنت بانيلك على جاك فله
يمكن ندور لك ولاعاد نلقاك

رمضان المنتشري

الاوله ظللكم الله بظله
بعد وردتو كلكم حوض الادراك

لاتحترون المسك ينفك كله
لو البحيره تنفجر ما مسكناك

زبن القاضي(شاعر الهيلا)

بعد انكشف خافيك دقه وجله
يمناك ممدوده وتحفر بيسراك

ياللي تقول المسك والاصل عله
ماتطمع أن الله بعلتك يبلاك

رمضان المنتشري
اللي حصل للعبد يعني جزاء اله
الله بحسناتك وسيتك يجزاك

ابنو على روس الجبال المطله
لو عدت تبني فالسهل ماوصلناك

زبن القاضي(شاعرالهيلا)

الله كشفك وكثرت الهرج خله
بانت محاصيلك وبانت نواياك

اكلك وشربك ويش حرمه وحله
ياللي تبا فرقاي والعيد فرقاك

رمضان المنتشري

اثرك تدور لك على الناس زله
وانته طمعك اللي على الشر يحداك

السالفه ماهيب كبسه ودله
والا حليب نياق والحق مطاياك

زبن القاضي(شاعرالهيلا)

تبا الكلام اللي عليه الادله
انته سبب لطمت عيونك بيمناك

واسيفي اللي كنت للقوم اسله
ماكان يطمع في مثلك وشرواك

شعراء مبدعين

وفقهم الله

وشاكر نقلك

السافله ماهيب كبسه ودله



اكلك وشربك ويش حرمه وحلك




شكرا لك محاوره قويه وفكاهيه في نفس الوقت

ماورد اعلاه تعديل لبعض الأخطاء الإملائيه....

تحياتي.

الله الله


ابداع من الطرفين


صحت السنتهم


ومميز كعادتك يا فاقد غرام

طاروق رائع

شكرا يالغالي