معاد يحتاج اشكي الحال للناس =صار العنا في وسط وجهي علامه
بــعــد الامـل عودت مع سكة اليأس =ياحلام عمري رافقتك السلامه
الحب تـأثـيـره على كـل حـــســاس = وانـا انـجرحـت ولا عــليـه مـلامه
جرحي من اللي عينه عيون قرناس = ومن فوق حمر شفاه مرسوم شامه
وابو حجاجن منحني حني الاقواس =وابو رموشن مثل ريش النعامه
في كفه الحنا وفي عنقه الماس = ولا يـلـبـس الا واردات الفـخامـه
الزين فـيها زايد ولا لـه قـياس =فالزين انا اعطـيـها شـهادة زعامه
من بيت عز ولا تظاهر بالافلاس =دلوعـتـن من بـيـت عـز وكـرامـه
طـرتـلي الفرقـا وطـوحـت مـنحـاس = واخذت مع ذكرى الليال انسجامه
قالت علامك ساكت ولالك احساس = عجزت ارد وكـن فيني طرامه
وكتبت مافي داخلي وسـط قرطـاس = وجاوبت بنياحي نياح الحمامه
ماهوب سهل اللي ضرب قلبي بفاس = عليه غـرقـنا سبـوق العـمامـه
ماكـل صدمه عــايره تــوجع الـراس=الا الـولـيـف اللي عليه الندامـه
ياللي جرحت القلب ماعندك احساس = مع السلامه رافقتك السلامه

ياللي جرحت القلب ماعندك احساس $ مع السلامه رافقـــتك السلامه

المشاركة الأصلية كتبت بواسطة أعلامي (المشاركة 1142103) .. . كلمات في غاية الروعه والجزاله ابحرت بنا وانسجمنا مع القصيدة .. يعطيك العافيه راعي الشوشلية على النقل وعلى الاختيار الموفق .. . . تقبل ودي وردي

المشاركة الأصلية كتبت بواسطة ابن صنهوت (المشاركة 1142198) صح لسان ابن متلع ولاهنت انا اشهد انك وفقت فالاختيار