يالشعر دليتني مسكان ابورامي=مشكور لولاك ماكناعنيناله
لاهوجنوب الرياض ولاعنه شامي=غرب اربعين النسيم وبنده اشماله
يبعدعن اول اشاره رمية الرامي=بيته يشرف عزيز النفس مدخاله
ماجيت خالد واناجايع ولاضامي=جيت اتشرف بعرفه واسمع امثاله
لقيت سلم الوفا والطيب قدامي=في مجلس فيه خالد يبهج اقباله
ناره توقد عليها شغل الاشوامي=ادلال رسلان ولهن جند عياله
ذا معه دله وذا بالمطيبه قامي=ولاهي غريبه على خالد ولاامثاله
شاعروله بالكرم والطيب مرسامي=نوادره من سمعها ينشرح باله
اله التحيه عدد ذعاع الانسامي=مني عبرمنتدى البيطار تهداله

يافهيد حيت . واقلط يابن الاكرامي = الباب مفتوح . والنيران شعاله
سلمٍ لنا ياولد من ماض الايامي = تطور الفكر. والمبدا علي حاله
والطيب واجد . وبين العالم اقسامي = في كل دارٍ ترا حقه من ارجاله
وتراه يوم تركز فيه الاعلامي = لازارني طيّبٍ مثلك . وانا خاله
ليت الهواوي معك سير بالاقدامي =حيث ان فالك علي الجزله مثل فاله
ياحي ذاك القبال. وسبعة انعامي = لاطال راس ابن عمك عزك اضلاله
مقداركم شط بكرٍ بالشحم زامي = والآ قعودٍ يودا الذبح باعقاله
وانتم عتيبه رجال الموقف الحامي = قلته وغيري كثير من العرب قاله
ومن يفعل الطيب ذكره بالثنا دامي = واللي فعل شي غير الطيب يشتاله

وسلااااااااااااااااامتكم

المشاركة الأصلية كتبت بواسطة أخو جوزا (المشاركة 1140553) وانت سالم وصح لسانك ولسانه

صح بدنك

ياخوجوزاء

ولاهنت على التواجد

تحيتي وتقديري

المشاركة الأصلية كتبت بواسطة الصويت الثبيتي العتيبي (المشاركة 1140597) صح لسانك ولسانه

صح بدنك

ولاهنت على التواجد

تحيتي وتقديري

المشاركة الأصلية كتبت بواسطة وصل الشهيب (المشاركة 1140832) الأخ الشاعر فهيد الرويس صح لسانك ولسان خالد البقمي صوت رائع وصدا لايقل روعه عن الصوت بيض الله وجيهكم كلكم تحياتي

صح بدنك

ياخوي وصل

والابداع تواجدك لاهنت

تقبل اطيب تحيه