الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   من المحاورات قليلة الإنتشار بين الزلامي و فيصل الرياحي" رحمه الله" (http://www.otaibah.net/m/showthread.php?t=119959)

فهد رشيد الزلامي 20-Dec-2010 01:06 AM
من المحاورات قليلة الإنتشار بين الزلامي و فيصل الرياحي" رحمه الله"
 
الزلامي

يا جماعة خير خلوا لي مجال شويه=أسمحوا لي ربع ساعه لين يصفي الصافي
ودنا بعد البطا ناخذ علوم العيه=يوم سند وش لقا صوب الحجاز وشافي


الرياحي

ياجماعه طيعوا الشاعر سليم النيه=يرسل الكلمه وستر الله عليها ضافي
قبل ما أسمع كلمتك دزيت لي برقيه=نصها ما يعترف بالعدل والإنصافي


الزلامي

العشيه شفت في خط الحفر دوريه=كل موتر يسبرون بداخله ياكافي
الغشيم يقدم أقدامه لجحر الحيه=واللبيب يروح فالطرقه وجا متعافي

الرياحي

عان الأخرى فالنسيم توقف الطرقيه=وأنت ساري ولعوا في وجهك الكشافي
غابوا اللي يجمعون الناجحه والنيه=مع هل الجيش المروح يرسلون الحافي


الزلامي

والله إنك في خطر دنياك روحه جيه=لو تخفي من علومك ماعلى الله خافي
جرة الحنشل ثلاثه وأربعه رجليه=ياعساها جرة يسفي عليها السافي


الرياحي

ندري إنك من سباع الجمش والحوميه=مير حنا سالمين ولا يصير خلافي
أحفظ الدولار شيخ العمله الدوليه=لا تشيل لك بطاقه مالها صرافي


الزلامي

من سباع الجمش وأنته من ملاوي ليه=مير وش جاب البقوم بديره الأشرافي
ياولد منصور فالخاطر عليك بليه=أنتبه بعدين لا تغلط على ابو وافي


الرياحي

البقوم أعطوك حاجه فالبخت سريه=ويش شق المشلح اللي مارفاه الرافي
كم ضربنا بالقنا والسيف والجنبيه=مايطيعن الرقاب ألا مع السيافي


الزلامي

والله إنك لو تعود لغلطتك هذيه=لأغضب اللي يعرفونك قبل أشيب قافي
خل عنك السيف لأهل طويق والدرعيه=وأنت لو تطعن يغطيك اللحاف الدافي

علي الثبيتي 20-Dec-2010 01:25 AM
أحفظ الدولار شيخ العملـه الدوليـه///لا تشيل لك بطاقـه مالهـا صرافـي

الله يرحمك يابو بدر بيت عن الف بيت

ياولد منصور فالخاطـر عليـك بليـه///أنتبه بعدين لا تغلط على ابـو وافـي

صح لسااان الزلامي

خلف المطيري 20-Dec-2010 01:37 AM
الله يرحم ابوبدر ويطول في عمر الزلامي

تسلم يافهد

بس فالحفله ذي

فيه طاروق بين الرياحي وصياف

ياحرب ذوقيها من عتيبه

الرحاال 20-Dec-2010 02:45 AM


الزلامي




من سباع الجمش وأنته من ملاوي ليه ........... مير وش جاب البقوم بديره الأشرافي







الرياحي




البقوم أعطوك حاجه فالبخت سريـه .......... ويش شق المشلح اللي مارفاه الرافي




صح لسان الزلامي والله يرحم ابوبدر ....




..

متذوق الشعر 20-Dec-2010 07:52 AM
الله يرحم فيصل الرياحي

ويطول عمر ابو جميل

ابو فايح 22-Dec-2010 04:01 AM
الله الله

طاروق رائع



الله يطول ابو جميل ويرحم ابو بدر ويغفر له



فهد ولا عليك أمر مر على موضوع الطلبات المثبت في أعلى الصفحه .

ثقيف دام عزها 23-Dec-2010 08:07 PM
محاوره من المحاورات النادره والمميزه فعلا


بورك فيك ياجميل

الصويت الثبيتي العتيبي 24-Dec-2010 04:24 PM
صح لسان الزلامي والله يرحم ابوبدر

فهد رشيد الزلامي 26-Dec-2010 04:51 AM
الربع اللي مروا من هنا وعلقوا : بارك الله فيكم

وأتمنى تقديم ما يرضيكم وبالنسبه للإستفسارات تم الرد عليها

الهزبري 26-Dec-2010 08:50 AM
فعلا

محاورة عمالقه

هذي محاورات الفتل والنقض.

الله يرحم الرياحي ويطول بعمر الزلامي على الطاعه.

مشكور يافهد


الساعة الآن »03:23 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd