ياعنـاد قبـل أمـس وأنـا طالـعٍ مـن عفيـف=لقـيـت غــروٍ عـلـى درب الـهــوى ردنـــي
واقتادنـي فـي طريقـه مثـل قـود العسـيـف=ولا مــن أغـراضـه الـلـي شـالـهـا عـدنــي
مشيـت فـي جرتـه مشـي الهبيـل الخفـيـف=فقـدت عقلـي وزيـنـه مــن عـجـب شـدنـي
أمتـر الأرض خلفـه وأحسـب المتـر كـيـف=دقـــات قـلـبــي تــعــد الــــدرب وتـحـدنــي
عرفت داره وساسه مـن ربـوع المصيـف=نـشــدت والـعــرف فالـمـزيـون مـاسـدنــي
شهـريـن ويـعـود لــداره شـمـال العـطـيـف=مـــا خــلــف ألا هــيــامٍ فـالـصــدر قــدنــي
الوصـف خـلـه مشـفـر بــس قــل يالطـيـف=حــتــى عــــن عــبــادة الله كـلـهــا لــدنــي
الـردف يمشـي لحالـه مـن وراهــا معـيـف=يــقــول يــــا نـعـمــة الله هــدنــي هــدنــي
والخصر بطن بدوي يشكي مجاعة وحيف=وجـدايــلــه طـايــحــه مـانــادتــه كـــدنـــي
أمــا تنـشـد وهــات عـلـوم هــاك الـولـيـف=ولا عـلـى الشـيـخ مـشـرع شـغـل وودنــي
ينفـث علـي الفـلـق نـفـث التـقـي الكفـيـف=لـعــلــه يـــــداوي الـــعـــلات ويــصــدنــي

الشاعر:أخو سعدى

يامرحبا عد مالاحت بروق الخريف=باللي نصاني يقول من الهوى قدني
عليه جار الهوى ثم صار وضعه كسيف=من ناظره قال ميت عدني عدني
يقنب كما يقنب السرحان فوق المنيف=ويقول ياعناد بخبار الغظي مدني
غرو(ن)صدفني وخلا الهم عقبه كثيف=الضيق واقف بصفي والفرح ضدني
ودرب الهوى يااخوسعدى والله انه كليف=كم واحد(ن) قال منه همومي تشدني
وابشر بعزك وما تبغاه مافيه زيف=تحرم علي الدلال انكان هو حدني
كانك تريده بمال اوضرب سيف(ن) رهيف=انا معك فالمواقف دئما بدني