الاوله جعل اجتماعاً على خير=وعساه دايم ياشباب القبيله
والثانيه سلام حشمه وتقدير =والحر حر ولايباله دليله
ونبدا بشي من الضمائر مصادير=وانقول في حق النشاما قليله
شعراً يصخر فالمواقيف= تصخير= ماكل شاعر لابغى يرتكيله
ولا عن مواقفنا نقدم معاذير=لو يبعد المشاور لازم نجيله
والحمدلله مالحقنا مخسير=ونعتز في جمع الرجال الاصيله
ونبا يكون النا على بعض تاثير=ونرسي كما ترس الجبال الثقيله
قدامنا الابوان واجدنا غير= بين القبائل حيهم من قبيله
راحو وبالتارخ فعل المناعير= وافعالهم من طيب الاريا نبيله
لاصعبت القاله لفوها مغاوير= واليا انتهت كلاً نهج في سبيله
افعالهم نوماس وقت المحاضير=والساس ثابت كلنا ننتميله
كذا يدن وحد سلوم المشاهير= في ساعة الميقاف وقت الصميله
لاثارت الهيجا ودقولها الزير=رضيعهم يفز ع وينجي دخيله
دون الوطن لاقام جوالمعصير= نسد دونه مثل ذيك المخيله
وان جا نهار ن فيه ورد ومصادير= دونه وقفنا بالفعول الجزيله
نفديه بدمي العروق النوافير= واللي تمنا شبر برضه ياويله
في ظل منهو طور الشعب تطوير=اللي حكمها بالسيوف الصقيله
اللي ليا وقفت تهز الطوابير= وان شافها المخطي تبين حصيله
في حكم ابو متعب زبون المعاسير= راع الكرم فالمد راع اللطويله
وختامها عد المزون مصابير= الدار امانه والامانه ثقيله